الغزل الهندسي

يا هندسة عمري ومســــــــــــتطيل الخوف..



يل حبك مربع يحوي اسراري


يا دائرة صبري ويا معيــــــــــــــين الروح..


يا مخروط لهفة ومنقلة ناري


يا مســــطرة عيدي وللفـــــــــــرح فرجال..


يا زاوية صمتي ونقطة افكاري


يا اجمل مجســـــــــــــــــــم رسمتة الايام..


يا منظور عمري والروح والجاري


************ **
حبك يظل زائد يـــــــــــــــــا حبيب الروح..


ما ينطرح منه ويقل مقدارة


يا اصعب جذر يا قسمـــــــــة ياتربيع..


يا مالانهاية وموجب الشارة


يل نسبة جمالك ع البشـــــــــــر تكعيب..


وعيون اليشوفك بيك محتارة


ياحيرة انيوتن جاذبــــــــــيتك هاي..


لأن عن جاذبيتك عجزت افكارة


************ **
بـــــــــــالتاريخ اعودن للكهــوف أوياك..


واسكن كهف حبك واكتشف نارك


ماكو احصان ابيض ،عنــــــــــدي ديناصور..


اجي راكب عليه وادخل اسوارك


واخطفك من قلعتك وامشـــــــي بيك ابعيد..


واصيرن قيس ليلى وانظم اشعارك


واعتبرك جحا وبكلبي الــــــــــــــك مسمار..


د فوت ابوسط كلبي وشوف مسمارك


************ **
يا خارطة روحي وللحـــــــــــــــــلم اقليم..


يا قمة جبال الصبر والغيرة


يا اكـــــــبر محيـــــط اعيونـــــــــــك الحلوات..


يا اجمل بحيرة وللفرح ديرة


احـــــــــــس خصرك مضيق وشعرك الشلال..


وخدودك هضاب ونظرتك حيرة


تضاريســــــــــــــــــــك لغز واحدودك المجهول..


لان خط استوائك صعب تفسيرة


************ **


شفت حبك مجرة وشمــــــس وجهك صار..


وعيونك احسهه الارض والزهرة


واشفافك عطارد والشـــــــــــــــــــعر مريخ..


والمشتري العينك جايب البشرة


وبصدرك زحل وبـــــــــــــــــــــــلوتو مجتمعين..


ونبتون صار خاتم ليدك اليسرة


وكالة ناسا عجزت تكشـــــــــــــــــــف الاسرار..


لان اوزون كلبك موسهل كسرة

....تحياتي,,,[b][center]